Emozioen energia. TRISTURA

Onar dezagun tristura zoriontsu izatea betebeharra dela ematen duen gizarte batean

Tristura gure bizitzan emozio naturala, beharrezkoa eta erabilgarria da. Garrantzitsutzat jotzen den zerbait galtzen denean agertzen da: maite den pertsona bat, osasuna, ondasunak, eta banantzeak, gaixotasunak, porrotak, langabezia, bakardadea, zahartzaroa…

Sarritan, tristura-sentipenak lehen interesatzen zitzaizkigun gauzekiko interesa galarazten digu, eta gozatzea kostatzen zaigu; geldirik eta motibaziorik gabe egotera eramaten gaitu. Puntuala eta bizia da, eta gogo-aldarte baxuarekin ez dugu nahastu behar, hau da, izan ditugun azken gertakarien laburpen metatu batekin, denboran luzeagoa dena.

Bizitzako une batean tristura sentitzeak ez da txarra ezta arraroa ere; inflexio-puntu gisa balio behar digu. Alerta honek adierazten digu emozionalki kaltetuta gaudela, eta indarberritzeko eta egoera atseginago, lasaiago eta osasuntsuago batera pasatzeko aukerak ikasteko denbora behar dugula. Tristura-aldi batek hazten laguntzen duela ulertzea beharrezkoa da; hartatik ikasten saiatu eta lanean eta pertsonalki hobetzeko aukera gisa erabili behar dugu.

“Zoriona gorputzentzat osasungarria da, baina penak izpirituaren indarrak garatzen ditu” Marcel Proust

---